Tal como vén de anunciar o Concello de Cariño, este venres 2 de setembro ás oito da tarde, no Salón de Plenos do Concello de Cariño, terá lugar a presentación do número 3 da revista Terras do Ortegal. O acto, organizado pola Asociación Terras do Ortegal, contará coa participación de Manel Bouzamayor e Vanesa Trevín, directivos da revista e da citada asociación, e do arqueólogo cariñés Xosé-Lois Armada Pita.
Como seguramente saberás, Terras do Ortegal é unha revista de estudos comarcais cuxo primeiro número apareceu publicado no verán de 2014. No seu número 2, publicado no verán de 2015, incluíu un dossier con varios artigos sobre o Concello de Cariño. Dende aquí queremos felicitar ós promotores da revista por este terceiro número e animarche a asistir ó acto.
